الليله هذي واضحه ليلة افراق

الليلـه هـذي واضـحـه ليـلـة افــراق
حـاولـت اعديـهـا وعـيّـت تـعدي

اظــروف ماتنـطـاق ولا راح تنـطـاق
صـد القـدر ماهـو بـصـدك وصدي

تعـال اخذنـي بـيـن ايـاديـك مشـتـاق
قـبـل انتـفـارق حـط يـدك بـيدي

بجلـس معـك ساعـه حبايـب وعـشـاق
مـن بعدهـا كيفك ولو صـرت ضـدي

فينـي خليـط اشـواق باشـواق بـاشـواق
واصل معـك مـن كثرت الشـوق حدي

ودي ألمـك واحضنـك حضنـت عـنـاق
ياشـيـب عيـنـي كل ماقـلـت ودي

في خاطري ‍.. وش خاطري ؟ خاطري ضاق
الكـون كلـه ضــاق ماهـو بـقـدي

حتى الدموع اللي استحـت كبـر واخـلاق
تساقطـت مـن فـوق خــدك وخـدي

لوحة شعـر تبكـي علـى بيـض الاوراق
بيّحـت فيهـا من ردى الحـظ ســدي

ليلـة جفـا وافــراق مامثـلـه افــراق
حاولـت اعديهـا وعـيّـت تـعــدي

» بنت تصلى فى ليلة عرسهاا
» عروس تفقد بصرها ليلة فرحها